როგორ დაგვიკავშირდეთ

თუ გაქვთ კითხვები ან გჭირდებათ დახმარება, გთხოვთ, არ მოგერიდოთ ჩვენთან დაკავშირება. ჩვენ გთავაზობთ რამდენიმე არხს და ყოველთვის ხელმისაწვდომი ვართ დახმარებისთვის:

— მიმდინარე შეკვეთებთან დაკავშირებული პრობლემების ან ინციდენტებისთვის, Glovo გაწვდით ექსკლუზიურ ტელეფონის ნომერს პარტნიორებისთვის.

— დანარჩენი მოთხოვნებისთვის, გთხოვთ, გამოგვიგზავნოთ შეტყობინება პარტნიორის ვებ-აპლიკაციაში („პროფილის“ განყოფილება) არსებული „დახმარებისა და რესურსების“ ღილაკის მეშვეობით, ჩვენ კი შეძლებისდაგვარად სწრაფად დაგიკავშირდებით თქვენი საოპერაციო ელფოსტის მეშვეობით.

თუ თქვენი მოთხოვნაა პროდუქტების მენიუდან ამოღება ან მასში დამატება, გთხოვთ, აღნიშნული მოახდინოთ შვიდი დღით ადრე, რათა ჩვენმა გუნდმა ცვლილებების შეტანა დროულად შეძლოს.

გახსოვდეთ, შეგიძლიათ დაზოგოთ დრო და შემდეგი პრობლემები თავად მოაგვაროთ პარტნიორის ვებ-აპლიკაციის მეშვეობით, ჩვენთან დაკავშირების გარეშე:

— თქვენი ობიექტის დახურვა

თქვენი ობიექტის დროის მცირე პერიოდით დასახურად, ან რამდენიმე დღით დახურვისთვის, თუ დასვენება გადაწყვიტეთ, დააჭირეთ ობიექტის დახურვის ხატულაზე, რომელიც ვებ-აპლიკაციის ზედა მარჯვენა კუთხეში მდებარეობს.

 

 

ობიექტის დახურვას გირჩევთ მხოლოდ მაშინ, როცა ნამდვილად გჭირდებათ, რათა გარანტირებული იყოს მომხმარებლებისთვის კარგი გამოცდილების შექმნა.

— პროდუქტების აქტივაცია/დეაქტივაცია და მათი ფასების განახლება

შეგიძლიათ ჩართოთ ან გააუქმოთ პროდუქტები და შეცვალოთ ფასები უშუალოდ პარტნიორის ვებ-აპლიკაციაში მდებარე „პროდუქტების“ განყოფილებიდან.

პროდუქტის გამოსართავად, აირჩიეთ იგი და შემდეგ დააჭირეთ ღილაკს „დეაქტივაცია“. ასევე შეგიძლიათ აირჩიოთ, რამდენი ხნით გსურთ პროდუქტის დეაქტივაცია (მაგ.: 30 წუთით).

 

 

 

პროდუქტის ფასის შესაცვლელად, დააჭირეთ მის გვერდით მდებარე ფანქრის ღილაკს. გამოჩნდება პოპ-აპ ფანჯარა, სადაც შესაბამისი პროდუქტის ფასის ჩაწერას შეძლებთ.

— თქვენი ობიექტის სამუშაო საათების განახლება

თქვენი განრიგის ნახვა შეგიძლიათ „პროფილის“ განყოფილებაში. დააჭირეთ „რედაქტირების“ (Edit) ღილაკს თქვენი სამუშაო საათების შესაცვლელად.